Doktarcy, jakaja sumlenna raskazvała pra COVID, pryjšłosia źjechać ź Biełarusi

04.11.2020 / 11:07

Darja Čechava (Płotkina), svaboda.org

Doktara z pryjomnaha addzialeńnia 10-j haradskoj kliničnaj balnicy Darju Čechavu (Płotkinu) u Twitter čytali kala 13 tysiač čałaviek. Usiu pandemiju jana dzialiłasia svaimi nazirańniami ab COVID-19 i taktycy biełaruskaha Ministerstva achovy zdaroŭja ŭ pytańni baraćby z hetym zachvorvańniem, piša Jeŭraradyjo. 

U čacvier viečaram Płotkina paviedamiła, što była vymušana terminova źjechać z krainy.

Jesłi vam kažietsia, čto mienia minovałi razłičnoho roda riepriessii, to za viedieniie tvittiera ja paru raz katałaś v ruvd, pośle čieho matieriały mojeho dieła byłi pieriedany v SK, i, sudia po vsiemu, vpajat mnie mohłi niemało.
Poetomu prišłoś sobirat čiemodany i ekstrienno otčałivat.

— Płotkina (@medulla_ossium) November 3, 2020

Pavodle jaje słoŭ, u RUUS jaje vyklikali ŭ suviazi ź jaje tvitam ab zhvałtavańniach zatrymanych. Potym vyklikali jašče raz i paviedamili, što jaje sprava pieradadzienaja ŭ Śledčy kamitet. Zatym byŭ zvanok z SK.

«Tak što ŭ mianie nie zastałosia varyjantaŭ. Albo publičnaje prynižeńnie (choć ja nie liču, što ja pastupiła niapravilna, aśviatlajučy tyja ci inšyja padziei) i matać termin (kab inšym niepanadna było), albo chutka źjazdžać. Ja pakinuła žyllo, mašynu, pracu, svaju siamju — usio, što ŭ mianie było», — piša doktar.

Jana kaža, što pisała ŭ sacsietkach dziela praŭdy, kab ludzi razumieli, što karanavirus — heta niebiaśpiečna, a nie jak kažuć pa televizary, što hvałt u dačynieńni da mirnych hramadzian — heta drenna, što zamoŭčvać takija vypadki nielha.

Doktar pryznałasia, što škaduje ab adnym — što vymušana źjazdžać u razhar pandemii i nie zmoža lačyć ludziej. Krainu, u jakuju jana źjechała, Płotkina nie nazvała, ale skazała, što raniej tam nikoli nie była. Płanuje vučyć movu i pracavać doktaram. Kaža, što vielmi sumuje pa kalehach i pacyjentach.