Aficyjny Minsk adkaža na sankcyi JES
07.11.2020 / 09:46
Aficyjny Minsk nie pakinie biez adkazu novyja sankcyi Jeŭrasajuza. Pra heta zajaviŭ pres-sakratar MZS Anatol Hłaz.
«My ciapier spakojna i ŭvažliva vyvučajem usio. Dadzienaje rašeńnie dakładna nie zastaniecca biez adkazu, jaki nadydzie ŭžo najbližejšym časam», — cytuje «RIA Naviny» słovy Anatola Hłaza.
Jak paviedamlałasia, 6 listapada Jeŭrasajuz pašyryŭ sankcyjny śpis pa Biełarusi i ŭvioŭ abmiežavańni suprać Łukašenki.
Pad sankcyi akramia Łukašenki trapili jašče 14 biełaruskich čynoŭnikaŭ. Abmiežavańni praduhledžvajuć zabaronu naviedvańnia krain JES i zamarožvańnie jeŭrapiejskich aktyvaŭ.