U Navapołacku ludzi z tempieraturaj stajać na choładzie ŭ čarzie ŭ palikliniku FOTAFAKT
10.11.2020 / 08:48
Fota čarhi ź ludziej z padvyšanaj tempieraturaj, jakija čakajuć kala asobnaha ŭvachodu palikliniki №4 Navapołacka, u redakcyju gorod214.by dasłaŭ čytač. Ranicaj u paniadziełak, 9 listapada, tam sapraŭdy nazirałasia padobnaja karcina.
— Čarha ź ludziej z tempieraturaj była siońnia čałaviek 20 tolki na vulicy. A ŭnutry jašče bolš. Ludzi stajać na choładzie na niekalki hadzin, kab ich adpravili na fluarahrafiju, dzie jašče adna čarha, ale pamienš, — raspaviadaje čytač.
Raniej paviedamlałasia, što ŭ Navapołackaj CHB pa stanie na 3 listapada byli zaniatyja amal usie miescy dla pacyjentaŭ z COVID-19. Pradpryjemstvam rekamiendavali ŭvodzić masačny režym.
Hałoŭny ŭrač naftanaŭskaj palikliniki Siarhiej Čubryk raspavioŭ zavodskaj haziecie, što i na hetym pradpryjemstvie idzie niaŭchilny rost zachvorvańnia karanavirusnaj infiekcyjaj:
— Płyń chvorych pavialičyłasia. Raniej, kali ŭ punkcie achovy zdaroŭja dziažuryŭ adzin śpiecyjalist, to siońnia dva, a kali jość mahčymaść, try. Kali terapieŭt na pryjomie pa normie pavinien prymać 25 čałaviek, to siońnia našy daktary prymajuć pa 60—70 i navat paśla svajho pracoŭnaha dnia. Tamu prosim ludziej prajaŭlać razumieńnie: lekary pracujuć na znos.