«Rasatam» abmiarkoŭvaje ź Biełaruśsiu mahčymaje budaŭnictva jašče adnoj AES i daśledčaha reaktara
10.11.2020 / 09:59
Rasijskaja dziaržkarparacyja «Rasatam» abmiarkoŭvaje ź Biełaruśsiu mahčymaje budaŭnictva jašče adnoj AES i daśledčaha reaktara. Pra heta zajaviŭ hienieralny dyrektar «Rasatama» Alaksiej Lichačoŭ u videazvarocie da supracoŭnikaŭ pradpryjemstvaŭ i arhanizacyj atamnaj haliny, paviedamlaje BIEŁTA.
«Zusim niadaŭna, 3 listapada, byŭ padklučany da enierhasistemy i biełaruski błok. Jon staŭ pieršym błokam pakaleńnia «try plus», jaki byŭ pabudavany na jeŭrapiejskim kantyniencie, pa-za miežami Rasii. Enierhapusk biełaruskaha błoka pieratvaryŭsia ŭ padzieju nacyjanalnaha maštabu, heta sumiesnaja pieramoha rasijskich i biełaruskich śpiecyjalistaŭ, jakaja spryjaje abjadnańniu ludziej. Ciapier z kiraŭnictvam respubliki abmiarkoŭvajem mahčymaje budaŭnictva jašče adnoj stancyi i daśledčaha reaktara», — skazaŭ Alaksiej Lichačoŭ.