Pa ŭsim Minsku prajšli łancuhi ŭ pamiać pra Ramana Bandarenku. Na vulicy vyjšli tysiačy ludziej FOTA, VIDEA
13.11.2020 / 12:10
Siońniašniaja akcyja salidarnaści na vulicach Minska była najbujniejšaja ad časoŭ 11-12 žniŭnia. A 12-j usie vulicy Minska hudzieli, stajali biaskoncyja žyvyja łancuhi. Ciapier ludzi viartajucca ŭ kvatery i ofisy. Uzdoŭž daroh zastajucca płakaty, ściahi i kvietki ŭ pamiać pra zabitaha Ramana Bandarenku.
Ludzi vyjšli na praśpiekt Niezaležnaści, u Malinaŭcy, na Puškinskaj, va Uruččy, Sucharavie, inšych miescach. Prachodzić pikiet u Zasłaŭi, Hrodnie, Mahilovie.
13:26
Na płoščy Pieramien ludzi naviazvajuć bieł-čyrvona-biełyja stužki
13:25
Na niekatorych pradpryjemstvach i ŭstanovach addali daninu pamiaci Ramanu Bandarenku: MTZ, Kamaroŭski rynak, RNPC CHTiH, HC «Ždanovičy», centr kiravańnia Biełčyhunki.
13:15
U Sierabrancy zatrymali niekalki čałaviek, jakija arhanizavali stychijny miemaryjał pamiaci Bandarenki.
Tym časam na płoščy Pieramien ludzi praciahvajuć nieści kvietki.
13:02
Łancuh la Fiłarmonii.
Fota Darji Burakinaj
Fota Darji Burakinaj
Fota Darji Burakinaj
Fota Darji Burakinaj
Fota Darji Burakinaj
12:48
Łancuh salidarnaści kala Fiłarmonii, foty Tut.by
12:45
Na Kaskadzie i kala HC «Ryha» ludziej razahnali.
12:05
Na MKAD u rajonie Parka vysokich technałohij padčas chviliny maŭčańnia spynilisia try pałasy.
Siońnia na płoščy Pieramien
Na płoščy Pieramien
Adbyłosia niekalki zatrymańniaŭ, u tym liku kala płoščy Niezaležnaści.
U hety samy čas DAI pierakryvaje darohi ŭ Minsku. Viadoma jak minimum pra pierakryćcio praśpiektaŭ Niezaležnaści i Puškina. Na Prytyckaha mašyny spynili ruch, na Dziaržynskaha ludzi vyjšli na prajeznuju častku.