На выходных — дажджы і мокры снег
13.11.2020 / 12:32
У суботу, 14 лістапада, на большай частцы тэрыторыі Беларусі пройдуць ападкі — мокры снег, дождж. Ноччу і раніцай па паўночна-ўсходняй палове месцамі наліпанне мокрага снегу, слабы галалёд.
Ноччу -2..+3°С, днём 0..+5°С; на паўднёвым захадзе +6..+8°С.
У нядзелю воблачна з праясненнямі. Месцамі кароткачасовыя ападкі — дождж, ноччу на ўсходзе з мокрым снегам. На працягу сутак 0…+7°С, днём у заходніх раёнах +8…+10°С.
У панядзелак на працягу сутак 0…+7°С, ноччу на ўсходзе пры праясненнях да -2°С; днём у заходніх раёнах +8…10°С.
На наступным тыдні таксама абяцаюць мокры снег.