Baskaŭ pakinuŭ radu dyrektaraŭ BSB Banka

17.12.2020 / 11:36

Tut.by

Kiraŭnik Fiederacyi chakieja Biełarusi Dźmitryj Baskaŭ dniami pakinuŭ radu dyrektaraŭ BSB Banka, u jakuju ŭvajšoŭ u 2019 hodzie, piša Tut.by.

Baskava źmianiŭ Alaksandr Hałaŭ. Ciapier jon uvachodzić u naziralnuju radu Fransabanka. Apošnija 15 hadoŭ Hałaŭ pracavaŭ u Nacbanku na kirujučych pasadach.

Staršynioj rady dyrektaraŭ BSB Banka źjaŭlajecca Nadzieja Jermakova. Jana pryjšła siudy ŭ 2017 hodzie na fonie razborak BSB Banka z Nacyjanalnym bankam.

U radu BSB Banka taksama ŭvachodziać namieśnik dyrektara kampanii «Siem pahorkaŭ Bieł» Siarhiej Kahanovič i bankir sa šmathadovym stažam Anatol Uścinčyk.

U 2020 hodzie Kahanovič i Baskaŭ stali ŭładalnikami akumulatarnaha zavoda pad Brestam.

Apošnim časam Dźmitryj Baskaŭ byŭ fihurantam šerahu skandałaŭ. U pryvatnaści, jaho apaznali siarod udzielnikaŭ bojki na «płoščy Pieramienaŭ», paśla jakoj atrymaŭ surjoznyja traŭmy i pamior Raman Bandarenka.