ЗША ўвялі візавыя абмежаванні супраць 39 чалавек, якія маюць дачыненне да падрыву беларускай дэмакратыі
23.12.2020 / 20:46
Дзярждэпартамент ЗША ўвёў візавыя абмежаванні ў дачыненні да 39 чалавек, якія маюць дачыненне да падрыву дэмакратыі ў Беларусі, паведамляецца на сайце Дзярждэпа.
— Дзярждэпартамент прыняў меры ў адпаведнасці з прэзідэнцкім указам 8015 для вызначэння 39 асоб, адказных за падрыў беларускай дэмакратыі, і наклаў на іх візавыя абмежаванні, — заявіў дзяржсакратар ЗША Майк Пампеа.
Дзярждэпартамэнт наклаў візавыя абмежаванні агулам на 63 асобы за іх удзел у падрыве дэмакратыі ў Беларусі, фальсіфікацыі прэзідэнцкіх выбараў 9 жніўня і палітычны гвалт.