Žycharu Brahina dali dva hady kałonii za abrazu Łukašenki

29.12.2020 / 14:31

Mocnyja naviny

29 śniežnia sud Brahinskaha rajona pakaraŭ dvuma hadami kałonii 25-hadovaha Alaksandra Kułahu. Jaho abvinavacili ŭ abrazie prezidenta (artykuł 368 Kryminalnaha kodeksa), piša Radyjo Svaboda.

Alaksandra Kułahu nie ŭziali pad vartu ŭ zale suda. Jon pakul, da nabyćcia prysudam zakonnaj siły, znachodzicca na svabodzie, na asabistych parukach.

Alaksandr pracuje valščykam lesu, raniej da kryminalnaj adkaznaści nie pryciahvaŭsia.

16 žniŭnia jaho zatrymali miascovyja milicyjanty. Małady čałaviek byŭ napadpitku. Kali jaho pryvieźli ŭ balnicu, jon pačaŭ niehatyŭna vykazvacca pra Łukašenku. Heta zafiksavali na asabistyja rehistratary. Paźniej Alaksandr tłumačyŭ, što vykazaŭsia na emocyjach.

Ekśpiertyza nie pieraličvała, što mienavita kazaŭ abvinavačany, ale zaznačyła, što heta byli «hrubyja, niecenzurnyja słovy».