Памёр нейрахірург Арнольд Смеяновіч
02.01.2021 / 19:06
Памёр вядомы нейрахірург Арнольд Смеяновіч, паведаміла БелТА прэс-сакратарка Міністэрства аховы здароўя Юлія Барадун.
«Арнольд Смеяновіч памёр гэтай ноччу ад каранавіруса», — распавяла Юлія Барадун.
Арнольд Смеяновіч нарадзіўся 11 жніўня 1938 года ў Бранску. Вядомы нейрахірург, акадэмік, доктар медыцынскіх навук, заслужаны дзеяч навукі Беларусі за сваю шматгадовую практыку правёў вялізную колькасць аперацый на адкрытым мозгу.