BFSS budzie damahacca pieranosu etapu Kubka śvietu pa frystajle z Raŭbičaŭ
05.01.2021 / 10:27
Fond spartyŭnaj salidarnaści, jaki ŭznačalvaje Alaksandra Hierasimienia, budzie damahacca pieranosu etapu Kubka śvietu pa frystajle ź Biełarusi (jon pavinien prajści 13 lutaha ŭ Raŭbičach). Pra heta zajaviŭ vykanaŭčy dyrektar Fondu Alaksandr Apiejkin u intervju DW.
— U lutym u Biełarusi pavinien prajści etap Kubka śvietu pa frystajle. Tut situacyja taksama dosyć napružanaja: u biełaruskim frystajle pad dyskryminacyju trapili čempijonka śvietu Alaksandra Ramanoŭskaja i Mikałaj Kazieka — lehiendarny trenier, jaki vychavaŭ čatyroch alimpijskich čempijonaŭ.
U cełym usia kamanda pa frystajle nie chavała svaju pazicyju, jany napisali niekalki listoŭ pratestnaha charaktaru za podpisam usiaho kalektyvu.
Mižnarodnaja fiederacyja łyžnaha sportu vałodaje hetaj infarmacyjaj i razumieje, što ŭ takich umovach nielha pravodzić etap kubka śvietu. My taksama budziem damahacca jaho pieranosu. Spabornictvy mižnarodnaha płana nie pavinny prachodzić u krainie, u jakoj najhrubiejšym čynam parušajucca pravy čałavieka, — zajaviŭ Apiejkin.