Historyja pad znakam Pahoni

videa

Novy ambitny prajekt «Biełsatu» — histaryčny telesieryjał.

29.05.2009 / 09:45

Telekanał «Biełsat» stvaraje ambitny prajekt — histaryčny telesieryjał.

Jon budzie składacca ź niekalkich dziasiatkaŭ piacichvilinnych filmaŭ, jakija achopiać doŭhi pieryjad biełaruskaj historyi — ad staražytnaści da minułaha stahodździa.

Aŭtary dekłarujuć, što namahalisia zrabić sieryjał niezaležnym ad jakoj-kolviek ideałohii. Adnak, u peŭnaj stupieni, hety sieryjał možna nazvać «histaryčnaj kontrprapahandaj». Voś jak tłumačyć ideju źniać taki sieryjał Siarhiej Pialesa, adzin ź jaho stvaralnikaŭ: «Impulsam pasłužyli i histaryčnyja sieryjały, stvoranyja apošnimi hadami ŭ susiednich Rasiei dy Ukrainie. U Rasiei paŭstaŭ telesieryjał «Historyja dziaržavy rasijskaj»: faktyčna heta była ekranizacyja knihi Karamzina, napisanaj na pačatku XIX stahodździa. Ale z historyjaj hety tvor maje mała supolnaha. Heta chutčej histaryčnaja fikcyja — vialikadziaržaŭnaja, maskvacentryčnaja i antybiełaruskaja. Telekanał, jaki stvaryŭ hety sieryjał, možna hladzieć u Biełarusi, a značyć, rasiejcy raspaŭsiudžvajuć siarod biełarusaŭ chłuślivy vobraz našaj historyi. Akramia rasiejskaj historyi, našyja paŭdniovyja susiedzi, ukraincy, stvaryli «Krainu». Abodva hetyja sieryjały stali dla nas svojeasablivym vyklikam. Nielha było maŭčać».

Sieryjał, choć užo i padrychtavany da efiru, praciahvaje zdymacca, i da zakančeńnia sieryjału jašče daloka. Siońnia aŭtary znachodziacca na etapie pačatkaŭ Vialikaha Kniastva Litoŭskaha. A samaja apošniaja sieryja budzie pryśviečana abviaščeńniu Biełaruskaj Narodnaj Respubliki.

Bolš pra sieryjał možna pračytać tut.

Pahladzieć IX častku kinasieryjału «Kim była Jeŭfrasińnia Połackaja?» možna taksama ŭ internecie: