Danija i Słavakija prapanavali pravieści ČS pa chakiei zamiest Biełarusi

13.01.2021 / 12:10

Danija i Słavakija nakiravali prapanovy Mižnarodnaj fiederacyi chakieja (IIHF) ab praviadzieńni čempijanatu śvietu 2021 hoda. Pra heta paviedamiŭ prezident IIHF Rene Fazel, kamientar jakoha pryvodzić pres-słužba arhanizacyi, piša TASS.

Turnir zapłanavany ŭ Minsku i Ryzie z 21 maja pa 6 červienia, ale roznyja jeŭrapiejskija hramadskija arhanizacyi zaklikali IIHF pieranieści čempijanat śvietu 2021 hoda ź Minska.

«Ciapier naš abaviazak — dać Savietu IIHF jak maha bolš infarmacyi, kab Saviet moh pryniać najlepšaje rašeńnie. Heta ŭklučaje ŭ siabie kompleksnuju pravierku i acenku hatoŭnaści inšych krain pryniać hetaje mierapryjemstva. My atrymali prapanovy z Danii i viadziem pieramovy sa Słavakijaj», - skazaŭ Fazel.

Kančatkovaje rašeńnie ab praviadzieńni čempijanatu śvietu 2021 hoda pavinna być pryniata na saviecie IIHF, zapłanavanym na kaniec studzienia.