«Hučna chłopaŭ rukami» Udzielnika pratestaŭ padčas inaŭhuracyi asudzili na try hady za błakiroŭku ruchu transpartu
Heta adbyłosia ŭ Sierabrancy padčas pratestaŭ paśla «inaŭhuracyi» Łukašenki.
14.01.2021 / 08:40
Sud u Minsku pryznačyŭ ŭdzielniku pratestaŭ pakarańnie ŭ vyhladzie troch hadoŭ abmiežavańnia voli ŭ papraŭčaj ustanovie adkrytaha typu za błakavańnie ruchu transpartu. Pra heta paviedamiła prakuratura stalicy.
Minsk, 23 vieraśnia. Ilustracyjnaje fota
Adznačajecca, što prakuratura Leninskaha rajona Minska padtrymała ŭ sudzie dziaržaŭnaje abvinavačvańnie pa kryminalnaj spravie ŭ dačynieńni da maładoha čałavieka, jaki sumiesna ź inšymi ludźmi błakavaŭ ruch transpartu. Sud Leninskaha rajona vynies u dačynieńni da maładoha čałavieka abvinavaŭčy prysud. Jon pryhavorany da troch hadoŭ abmiežavańnia voli z nakiravańniem u papraŭčuju ŭstanovu adkrytaha typu».
Z 23 pa 24 vieraśnia na skryžavańni vulicy Plachanava i praśpiekta Rakasoŭskaha ŭ Minsku małady čałaviek «publična vykrykvaŭ łozunhi, hučna chłopaŭ rukami, a zatym sumiesna ź inšymi hramadzianami vyjšaŭ na prajeznuju častku i zabłakavaŭ ruch transpartu, uklučajučy hramadski».
U vyniku dziejańniaŭ abvinavačanaha adbyłosia spynieńnie transpartu, adznačajecca, što pry hetym na patrabavańni supracoŭnikaŭ milicyi jon nie reahavaŭ.