Rasija padała zajaŭku na rehistracyju vakcyny «Spadarožnik V» u Jeŭrasajuzie
Rasijski fond pramych inviestycyj (RFPI) padaŭ zajaŭku na rehistracyju rasijskaj vakcyny suprać karanavirusa COVID-19 «Spadarožnik V» u Jeŭrapiejskim sajuzie.
20.01.2021 / 13:21
TASS
U RFPI paviedamili, što 19 studzienia ekśpierty, jakija pradstaŭlajuć Jeŭrapiejskaje ahienctva lekavych srodkaŭ (EMA), praviali navukovuju kansultacyju dla raspracoŭščykaŭ vakcyny «Spadarožnik V». U sustrečy pryniali ŭdzieł bolš za 20 mižnarodnych ekśpiertaŭ i navukoŭcaŭ.
«Rekamiendacyi pa vynikach učorašniaha abmierkavańnia buduć nakiravany raspracoŭnikam vakcyny «Spadarožnik V» na praciahu 7-10 dzion», — havorycca ŭ paviedamleńni. U fondzie adznačyli, što čakajuć pačatku pracesu pastupovaj ekśpiertyzy ŭ lutym, piša RBK.
Rašeńnie EMA ab pradastaŭleńni «Spadarožniku V» rehistracyi budzie pryniata pa vynikach sieryi ekśpiertnych pravierak, udakładnili ŭ fondzie.