Advakat Kaciaryny Barysievič: Žurnalist nie moža nieści kryminalnuju adkaznaść za vykanańnie svajho abaviazku
Advakat Kaciaryny Barysievič adreahavaŭ na pieradaču ŭ sud spravy žurnalistki Tut.by Kaciaryny Barysievič.
22.01.2021 / 20:03
Bok abarony miarkuje, što ŭ dziejańniach Kaciaryny Barysievič adsutničaje skład złačynstva. Infarmacyja ŭ kamientary Hienieralnaj prakuratury, pa słovach advakata Michaiła Badnarčuka, nie pacvierdžana materyjałami spravy. Taksama bok abarony spadziajecca, što sprava budzie razhledžanaja ŭ adkrytym sudovym pasiadžeńni, dzie ŭsio heta stanie vidavočnym šyrokaj hramadskaści.
— My nastojvajem, što žurnalist nie moža nieści kryminalnuju adkaznaść za prafiesijnaje vykanańnie svajho abaviazku. Usiu adkaznaść u častcy niedavieru hramadzian da kampietentnych słužbaŭ pavinny nieści tyja asoby, jakija dazvolili sabie apublikavać niepacvierdžanuju infarmacyju (i ŭ dalejšym jaje nie źniapraŭdzili), a nie toj, chto, kirujučysia žurnalisckim abaviazkam, jaje źniapraŭdziŭ, — kaža advakat Andrej Mačałaŭ. — Taksama bok abarony aburany pazicyjaj Hienieralnaj prakuratury, a mienavita niezaviadzieńnie kryminalnaj spravy pa fakcie hvałtoŭnaj śmierci Ramana Bandarenki pry najaŭnaści vidavočnych dokazaŭ.