Пад Іўем мікрааўтобус вылецеў з трасы і перакуліўся. Кіроўца загінуў
Здарэнне адбылося 26 студзеня каля 14:05.
27.01.2021 / 10:47
Фота прэс-служба МУС
52-гадовы кіроўца Volkswagen Transporter ехаў па трасе Іўе — Дуды — пад'езд да аўтадарогі Мінск — Гродна, паведамляе прэс-служба МУС.
Каля в. Станевічы ён няправільна абраў хуткасць руху, не ўлічыў умовы надвор'я. У выніку машына з'ехала ў левы кювет і перакулілася.
Кіроўца ад атрыманых траўмаў памёр на месцы здарэння.