«Trymajsia, darahi. Trymajsia, darahaja». Novy vierš Siarhieja Pryłuckaha

27.01.2021 / 20:34

25-hadovuju nastaŭnicu z Bresta Marynu Hłazavu razam ź inšymi palitviaźniami sudziać pa «vadamiotnaj spravie». Fota z fejsbuka jaje taty Uładzimira Hłazava.

Vałodziu i Marynie Hłazavym

Ja byŭ tam tak daŭno,
što nie paznać detalaŭ.
Adni pajšli na dno,
druhija j nie ŭspłyvali.

Siabroŭki i siabry,
źnikomaja eskadra,
niabiesnyja dvary
vartuje vaša varta.

Paŭz karusiel tryvoh,
pałaty śloz i złości,
viadzie nas niejki boh
pad muzyku miłości.

U naš ptušyny chor
ŭplalisia huki maršaŭ,
hustoj kryvi kahor
i vadkich budniaŭ kaša.

Na bierazie tuhi,
pad kronami adčaju —
trymajsia, darahi.
Trymajsia, darahaja.

facebook.com/SiarhiejPrylucki