Niabačnyja achviary kavidu: z-za pandemii ŭ Biełarusi tysiačy chvorych na rak nie dajšli da ankołahaŭ
Štohod u stalicy rehistrujuć 10-11 tysiač novych vypadkaŭ raku. I tolki ŭ 2020-m iznoŭ vyjaŭlenych pacyjentaŭ było amal na 2 tysiačy mienš. Pra heta paviedamiŭ na pres-kanfierencyi 2 lutaha hałoŭny doktar Minskaha haradskoha kliničnaha ankałahičnaha dyspansiera Viktar Kandratovič, pieradaje karespandent ahienctva «Minsk-Naviny».
02.02.2021 / 18:48
— Razam z tym 2020 hod nie pakazalny, — adznačyŭ Kandratovič. — Pa našych padlikach, da ankołahaŭ nie dajšli kala 2000 pacyjentaŭ — kavid pieraškodziŭ. My praviali analiz: pieravažnaja častka hetych ludziej — z nulavoj, pieršaj stadyjaj raku, jakija mahli b być vyjaŭleny padčas skryninhu. Praz paŭhoda-hod pieršaja-druhaja stadyi piarojduć u treciuju-čacviortuju…
Pa słovach Kandratoviča, padčas pieršaj chvali pandemii ŭ minskim ankadyspansiery na try miesiacy byli pieraprafilavany dva z piaci karpusoŭ.
— U druhuju chvalu pracujem, jak i raniej, — nas nie pieraprafilavali, — skazaŭ Kandratovič.