Litoŭski deputat: 12% elektraenierhii prychodzić u Litvu ź Biełarusi
Deputat, staršynia parłamienckaha Kamiteta pa nacbiaśpiecy i abaronie Łaŭrynas Kaščunas skazaŭ, što 12% spažyvanaj u Litvie elektryčnaści — heta elektraenierhija ź Biełaruskaj AES, piša Delfi.
03.02.2021 / 20:43
«Ciapier my bačym, što kala 12% spažyvanaj u Litvie elektryčnaści vyrablena na BiełAES, u Astraŭcy. U miesiac heta 11 młn jeŭra. Možna skazać, što spažyŭcy płaciać za AES», — skazaŭ žurnalistam Kaščunas.
Pavodle jaho słoŭ, pytańnie błakavańnia BiełAES ciesna źviazana z prajektam sinchranizacyi, tamu važna jak maha chutčej vyrašyć roznahałośsi z Estonijaj i Łatvijaj.
Ministr enierhietyki Dejnius Krejvis pradstaviŭ danyja, pavodle jakich, u apošnija 10 dzion pałova ŭsioj elektraenierhii, jakaja prychodzić u Litvu praź biełaruska-litoŭskaje złučeńnie, — pryjšła ź Biełarusi, a inšaja pałova — z Rasii. «Jašče stolki ž elektraenierhii kuplajuć na biržy ŭ Łatvii. Pakolki ŭ nas utvaryŭsia vielizarny deficyt elektraenierhii, my elektryčnaść vykarystoŭvajem i płacim za jaje», — skazaŭ Krejvis.