Va Ukrainie adnamu z pasiołkaŭ viernuć histaryčnuju nazvu Ńju-Jork

Kamitet Viarchoŭnaj rady Ukrainy pa pytańniach miascovaha samakiravańnia pryniaŭ rašeńnie ab pierajmienavańni pasiołka haradskoha typu Noŭharadskaje ŭ Bachmuckim rajonie Danieckaj vobłaści ŭ Ńju-Jork.

04.02.2021 / 07:39

Fota ź Vikipiedyi

Ab hetym piša UNIAN.

Rašeńnie było pryniataje na padstavie zvarotu administracyi rehijona. U im adznačałasia, što Ńju-Jork — histaryčnaja nazva pasiołka, jakaja vykarystoŭvałasia da 1951 hoda.

Kančatkovaje rašeńnie ab pierajmienavańni budzie pryniata na ahulnym hałasavańni ŭ Viarchoŭnaj Radzie.

Pasielišča Ńju-Jork było zasnavana mienanitami (pratestantami), jakich zaprasiła ŭ Rasiju Kaciaryna II, vydzieliŭšy im dla zasialeńnia ziamli na terytoryi sučasnaj Uschodniaj Ukrainy.

Pad nazvaj Ńju-Jork pasiołak, u pryvatnaści, zhadvajecca ŭ dramie savieckaha piśmieńnika Viktara Niakrasava «U rodnym horadzie». U saviecki čas mienanitaŭ vysielili ŭ Amurskuju vobłaść, i tam jany taksama zasnavali Ńju-Jork.

Zaraz u Noŭharadskim žyvuć kala 10 tysiač čałaviek.