Kreml: Represij zaraz u Rasii niama, jość nieabchodnyja miery

Aficyjny pradstaŭnik Kramla Dźmitryj Piaskoŭ zajaviŭ ab adsutnaści «samych masavych represij ŭ historyi novaj Rasii», paviedamlaje lenta.ru.

04.02.2021 / 13:28

Fota Administracyi prezidenta Rasii

«Nijakich represij niama, jość miery, jakija prymajucca palicyjaj suprać udzielnikaŭ niezakonnych akcyj. Ja nie pahadžusia z zališnie emacyjnymi acenkami», — skazaŭ jon u adkaz na adpaviednaje pytańnie.

Pres-sakratar rasijskaha lidara padkreśliŭ, što zatrymańni ŭdzielnikaŭ niesankcyjanavanych akcyj, što prajšli 23 i 31 studzienia, a taksama 2 lutaha, nielha nazyvać represijami.

Jon dadaŭ, što ludzi vychodzili na akcyi pa svajoj voli abo «budučy achviaraj padbuchtorščykaŭ».

Piaskoŭ zapeŭniŭ, što pa kožnym vypadku praźmiernaha prymianieńnia siły pravaachoŭnikami padčas niaŭzhodnienych akcyj praviaduć słužbovuju pravierku.