Kavid: u śniežni śmiarotnaść u Maskvie vyrasła na 56%
Praktyčna ŭsia zališniaja śmiarotnaść u Maskvie ŭ śniežni 2020 hoda tłumačycca pamierłymi ad COVID-19, paviedamlaje RBK.
08.02.2021 / 19:27
U śniežni 2020 hoda ŭ Maskvie pamierła na 5988 čałaviek bolš, čym u tym ža miesiacy hodam raniej, paviedamili ŭ Departamiencie achovy zdaroŭja horada. Usiaho było zarehistravana 16 546 śmierciaŭ, što na 56% bolš, čym u śniežni 2019 hoda.
«COVID-19 u śniežni ŭ jakaści asnoŭnaj abo spadarožnaj pryčyny śmierci adznačany ŭ 5891 vypadku. Takim čynam, śmiarotnaść ad karanavirusa pakryvaje amal usiu zališniuju śmiarotnaść», — havorycca ŭ paviedamleńni Departamienta.
Ad COVID jak ad asnoŭnaj pryčyny śmierci ŭ śniežni pamior 5251 čałaviek, 640 čałaviek u śniežni pamierli ad inšych pryčyn, ale sa stanoŭčym testam na karanavirus.