Расійскага прапагандыста заблакавалі ў навамоднай сацсетцы
15.02.2021 / 21:36
Сацыяльная сетка Clubhouse заблакавала акаўнт расійскага прапагандыста Уладзіміра Салаўёва.
«Гэта вельмі смешна. Clubhouse спалохаўся нават майго з'яўлення ў гэтай сацыяльнай сетцы. Гэта ўсё, што трэба ведаць пра «каштоўнасць свабоды слова» на гэтай пляцоўцы», — напісаў прапагандыст.
Прапагандыста заблакавалі з фармулёўкай «за патэнцыйнае парушэнне даверу і бяспекі правілаў сэрвісу».
У адказ ён пагражае «рэакцыяй Раскамнагляду».