«Niachaj spynicca biezzakońnie». 11 dziejačaŭ kultury roznych kanfiesij zaklikali chryścijan da ahulnanacyjanalnaj malitvy
Viadomyja ludzi Biełarusi zapisali zvarot da suajčyńnikaŭ.
17.02.2021 / 15:19
«Ciemra, jakaja hadami pamnažałasia ŭ Biełarusi, nie źniknie za imhnieńnie. U hety niaprosty čas my chočam jašče macniej malicca za spynieńnie biezzakońnia, za adnaŭleńnie spraviadlivaści i supakoju», — havorycca ź im
Jany zaklikajuć usich ludziej dobraj voli da ahulnanacyjanalnaj malitvy za Biełaruś kožny dzień a 21-j hadzinie, a taksama — malicca za Biełaruś na bahasłužeńniach, asabliva ŭ piatnicu viečaram.
U zvarocie źnialisia śpiavak Alaksandr Patlis, akciory Alaksandr Ždanovič, Pavieł Charłančuk, śpievaki Andrej Łuhin, Alona Pałačanskaja, mastačka Nadzia Buka, pradprymalnik-ciaślar Źmicier Daškievič, televiadučy i mastak Andruś Takindanh, Volha Sieviaryniec, opierny śpiavak Illa Silčukoŭ, katalicki śviatar Viačasłaŭ Barok.