У панядзелак у Брусэлі могуць абмеркаваць чацвёрты пакет санкцый
Заўтра, 22 лютага, на пасяджэнні Рады міністраў замежных спраў краін Еўрасаюза будзе абмеркавана сітуацыя ў Беларусі.
21.02.2021 / 17:13
«Вярхоўны прадстаўнік [ЕС па знешняй палітыцы і палітыцы бяспекі Жазэп Барэль] уздыме пытанне аб далейшым пагаршэнні сітуацыі ў Беларусі і рэпрэсіі супраць праваабаронцаў, грамадзянскай супольнасці і журналістаў», — гаворыцца ў паведамленні прэс-службы Рады ЕС.
Паводле інфармацыі Паўла Латушкі, на пасяджэнні таксама абмяркуюць чацвёрты пакет санкцый.
«Працэдура падрыхтоўкі санкцыйнага пакета прадугледжвае канфідэнцыяльнасць, аднак можна зыходзіць з таго, што Еўрасаюз пашырыць санкцыйныя спісы суддзяў і чыноўнікаў, а таксама сілавікоў», — напісаў ён.