U Žłobinie zatrymany dyrektar budaŭničaj kramy, jaki ŭdzielničaŭ u pratestach

U Žłobinie aryštavany Siarhiej Piarfiljeŭ — dyrektar kramy «StrojPraktyk», jaki ŭ kastryčniku padtrymaŭ nacyjanalnuju zabastoŭku, pišuć Mocnyja naviny.

25.02.2021 / 20:50

Piarfiljeva zatrymali dva tydni tamu, jaho źmiaścili ŭ homielski SIZA. Mužčynu inkryminujuć «udzieł u masavych biesparadkach» 9 žniŭnia 2020-ha.

Pretenzii da budaŭničaj kramy i jaje kiraŭnictva pačalisia adrazu paśla 26 kastryčnika, kali arhanizacyja padtrymała Narodny ŭltymatum Cichanoŭskaj. Da mužčyny začaścili pravierki, jon staranna likvidavaŭ usie zaŭvahi, ale daremna — arendadaŭca paviedamiŭ ab spynieńni ź im damoŭnych adnosin, jakija paśpiachova doŭžylisia ŭžo vosiem hadoŭ, Piarfiljeva pazbavili pamiaškańnia.