«Heta zusim nie baluča». Karaleva Lizavieta II zaklikała brytancaŭ zrabić pryščepku ad karanavirusa
Karaleva Vialikabrytanii Lizavieta II zaklikała žycharoŭ krainy zrabić pryščepku suprać kovid-19, dadaŭšy, što ŭkoł vakcyny, jaki joj zrabili ŭ studzieni, apynuŭsia całkam biazbolnym, piša VVS.
26.02.2021 / 08:24
94-hadovaja karaleva Lizavieta II i jaje muž prync Filip, jakomu ŭ hetym hodzie spaŭniajecca 100 hadoŭ, atrymali pieršuju dozu vakcyny ŭ studzieni.
«Na moj pohlad, heta była zusim niavinnaja pracedura, — skazała karaleva z uśmieškaj. — Usio prajšło vielmi chutka, i paśla ja atrymała šmat listoŭ ad ludziej, jakija byli ździŭleny tym, nakolki lohka akazałasia atrymać pryščepku».
Lizavieta II adznačyła, što nie adčuła nijakaha bolu ad ukołu, dadaŭšy, što ciapier adčuvaje siabie ŭ biaśpiecy.
Padčas videakanfierencyi jana taksama paraŭnała pandemiju z čumoj, jakaja achapiła ŭvieś ziamny šar.
Karaleva dadała, što padzialaje pačućci niekatorych ludziej, dla jakich atrymańnie vakcyny moža apynucca nie samaj prostaj praceduraj, ale zaklikała brytancaŭ pierš za ŭsio padumać ab navakolnych, a nie pra samich siabie.