Прэм'ер Венгрыі прышчапіўся ад каранавіруса кітайскай вакцынай
28.02.2021 / 17:25
Прэм'ер Венгрыі Віктар Орбан паведаміў, што атрымаў прышчэпку ад каранавіруса кітайскай вакцынай Sinopharm.
Пра гэта ён напісаў у сваім Facebook, апублікаваўшы фота з медыцынскага кабінета.
Орбан пракаментаваў фота словамі «Я вакцынаваны».
Венгрыя стала першай краінай Еўрапейскага Саюза, якая распачала вакцынацыю кітайскай вакцынай Sinopharm.