У мінскім метро запрацаваў сервіс аплаты праезду пры дапамозе біяметрыі. Што гэта такое?

Праект «Глядзі і праходзь» дае магчымасць пасажырам ажыццяўляць аплату праезду за дзве секунды.

01.03.2021 / 10:50

Да паездкі патрабуецца спампаваць і ўсталяваць дадатак «Беларусбанка», дзе трэба выбраць ўкладку «Глядзі і праходзь» ды сфатаграфаваць свой твар.

Пры ўваходзе ў метро трэба паглядзець на тэрмінал (яны ўжо ёсць на «Нямізе», «Інстытуце культуры» і «Плошчы Незалежнасці»). Біяметрычная сістэма злічыць абрысы твару і спіша суму з банкаўскай карткі.

Паслугай могуць карыстацца трымальнікі картак любых беларускіх банкаў.