Treci zapusk Starship Iłana Maska skončyŭsia vybucham praz 10 chvilin paśla pasadki. VIDEA
Pratatyp piłatavanaha kaśmičnaha karabla Starship kampanii SpaceX Iłana Maska vybuchnuŭ praz 10 chvilin paśla paśpiachovaj pasadki.
04.03.2021 / 10:27
Pierad hetym jon zrabiŭ vyprabavalny palot, padniaŭšysia na vyšyniu kala 10 kiłamietraŭ, piša «Radyjo Svaboda».
Heta pieršy vypadak, kali SpaceX zmahła pravieści ŭdałuju pasadku pratatypa Starship. Na kadrach bačna, jak častka kaśmičnaha karabla padčas pryziamleńnia zaharełasia. Praz niekalki chvilin jon vybuchnuŭ. Niahledziačy na heta, kampanija SpaceX zadavolenaja vyprabavańniami.
Zasnavalnik kampanii Iłan Mask napisaŭ u tvitary, što Starship pryziamliŭsia cełym. Vybuch pratatypa karabla jon pakul nijak nie kamientavaŭ.
Palot 3 sakavika staŭ trecim vyprabavalnym zapuskam Starship. Dva minułyja zapuski prachodzili 10 śniežnia i 3 lutaha, u abodvuch vypadkach rakiety vybuchnuli i razburylisia pry pasadcy.