Блогерку Вольгу Такарчук адпусцілі з ізалятара
4.03.2021 / 18:56
Палітычную блогерку Вольгу Такарчук адпусцілі з ІЧУ пад падпіску, паведамляюць праваабаронцы.
Блогер Вольга Такарчук, якая вядзе свой YouTube-канал, была затрыманая 2 сакавіка ў сябе ў кватэры.
Папярэдні раз Такарчук затрымалі 25 студзеня — тады муж Вольгі Дзмітрый растлумачыў, што жонку затрымалі на 72 гадзіны за адзіночны пікет, падчас якога яна выпускала шарыкі з акна.
На канале Вольгі Такарчук — больш за 30 тысяч падпісчыкаў.