Łukašenka na «Motavieła»: Tut pavinna być vysokatechnałahičnaja vytvorčaść

Alaksandr Łukašenka zapatrabavaŭ pa-haspadarsku, pa-narodnamu padychodzić da raźvićcia AAT «Motavieła», dzie jość šmat niezadziejničanych terytoryj, piša BiełTA.

05.03.2021 / 11:00

BiełTA

«Tut pavinna być vytvorčaść, i vysokatechnałahičnaja vytvorčaść», — padkreśliŭ Łukašenka. Pavodle jaho słoŭ, važnaja i aryjentacyja na ekspart pradukcyi.

Łukašenka daručyŭ kiraŭniku KDK jašče raz praanalizavać nieabchodnaść znosu tych ci inšych budynkaŭ, kab nie padychodzić da hetaha pytańnia ahułam.

Jon ličyć, što treba tałkova vykarystoŭvać hetuju vialikuju terytoryju, raźmieščanuju praktyčna ŭ centry Minska. Tym bolš što niekatoryja budynki na praciahu mnohich hadoŭ farmirujuć histaryčnaje abličča stalicy ŭzdoŭž Partyzanskaha praśpiekta.