У аэрапорце Берліна выявілі новы штам каранавіруса
Новая мутацыя ўяўляе спалучэнне брытанскага, паўднёваафрыканскага і бразільскага варыянтаў.
11.03.2021 / 20:14
Фота Depositphotos.com
Варыянт віруса B.1.525 раней знаходзілі ў Нігерыі, ЗША і Вялікабрытаніі. Аднак у Германіі гэта першы выпадак. Яго выявілі ў жыхара Саксоніі, пішуць нямецкія СМІ.
Па словах даследчыкаў, гэты варыянт можа быць яшчэ больш заразным, чым папярэднія, бо новы штам уключае ў сябе мутацыю шыпавага бялку E484K, што лепш абараняе вірус ад атак імуннай сістэмы. Гэта можа паўплываць на дзеянне вакцын, даступных на сённяшні дзень.