Žycharoŭ Novaj Baravoj aryštoŭvajuć za niepadparadkavańnie — «admovu adčynić dźviery» pry pieratrusie
11.03.2021 / 20:41
Arciom Achunaŭ uviečary 10 sakavika byŭ doma sa svaim 8-miesiačnym dziciom. Damafon byŭ adklučany, kab nie budzić dzicia. Kala 19-j hadziny ŭ dźviery pahrukali supracoŭniki kryminalnaha vyšuku. Pa pratakole dźviery Arciom adkryŭ, tolki kali supracoŭniki dastali śpiecsrodki. Ale sam mužčyna kaža, što adčyniŭ adrazu, jak tolki pačuŭ hruk u dźviery. Achunoŭ vinu nie pryznaŭ, «bo niemahčyma niepadparadkoŭvacca z 8-miesiačnym dziciom na rukach», paviedamlajuć pravaabaroncy.
Supracoŭniki dačakalisia mamu dziciaci, kab zatrymać Arcioma. Jaho dastavili ŭ Baraŭlanskaje RAUS i skłali pratakoł za niepadparadkavańnie pa art. 24.3 KaAP.
Suddzia Minskaha rajona Viktar Šaŭcoŭ aryštavaŭ Achunova na 15 sutak.
Natallu Bahdanavu taksama zatrymali ŭčora z domu za niepadparadkavańnie, bo jana nibyta admoviłasia adčynić dźviery. Suddzia Šaŭcoŭ taksama pakaraŭ Natallu 15-sutačnym aryštam pa art. 24.3 KaAP.