U Rasii prahnazujuć pahrozu novaha virusa ptušynaha hrypu
Novy typ virusa ptušynaha hrypu A(H5N8), jaki byŭ vyjaŭleny ŭ niekalkich rasiejcaŭ u lutym, chutčej za ŭsio, muciruje i zmoža pieradavacca ad čałavieka čałavieku, paviedamiła ŭ intervju TASS kiraŭnik Rasspažyŭnahladu Hanna Papova.
12.03.2021 / 09:41
Papova padkreśliła, što jość čas padrychtavacca da takoha scenaru — raspracavać testy i stvaryć vakcynu. «Nie spatrebicca — voś heta budzie ŭžo ščaślivy vypadak. Ale kali spatrebicca, my budziem hatovyja. Heta značyć, my zmahli ŭbačyć i papiaredzić usiu suśvietnuju supolnaść ab tym, što pahroza jość», — dadała surazmoŭca ahienctva.
U lutym Papova zajaviła, što navukoŭcy pacvierdzili pieršyja vypadki zaražeńnia ludziej virusam ptušynaha hrypu A(H5N8). Tady paviedamlałasia, što zarazilisia siem supracoŭnikaŭ ptuškafabryki na poŭdni Rasii, dzie ŭ śniežni minułaha hoda adbyłasia ŭspyška siarod pahałoŭja ptušak.