Грэцыя таксама адкрывае з мая турыстычны сезон. Што спатрэбіцца для адпачынку

Грэцыя можа адкрыць турыстычны сезон да 14 мая. Прычым улады краіны гатовыя прыняць такое рашэнне, нават калі Еўрасаюз не акажа адпаведнай падтрымкі.

17.03.2021 / 08:01

Wikimedia Commons

Беларусам для ўезду ў Грэцыю, хутчэй за ўсё, спатрэбіцца адмоўны вынік ПЛР-тэсту. Таксама на мяжы будуць праводзіць выбарачныя праверкі.

Калі ў турыста на мяжы з Грэцыяй будзе знойдзены каранавірус, яго адправяць у спецыяльны гатэль-ізалятар на тэрыторыі краіны.

Абавязковым патрабаваннем будзе захаванне масачнага рэжыму ў грамадскіх месцах.

Некалькі дзён раней адкрыццё турыстычнага сезона анансавала Балгарыя.