Jeŭrapiejski rehulatar pryznaŭ vakcynu AstraZeneca biaśpiečnaj

Vakcyna ad karanavirusa kampanii AstraZeneca źjaŭlajecca biaśpiečnaj i efiektyŭnaj. Da takoj vysnovy pryjšło Jeŭrapiejskaje ahienctva lekavych srodkaŭ (EMA), paviedamlaje meduza.io.

19.03.2021 / 07:46

U pastanovie rehulatara havorycca, što pieravahi vakcyny bolšyja za ryzyku pabočnych efiektaŭ, što jana nie pryvodzić da pavieličeńnia ryzyki ŭtvareńnia trombaŭ, a taksama što niama dokazaŭ taho, što źjaŭleńnie trombaŭ moža być źviazana z kankretnymi partyjami vakcyny.

U toj ža čas u EMA pryznali, što «ŭ vielmi redkich vypadkach» vakcyna moža być źviazanaja z utvareńniem trombaŭ, vyklikanym nizkim uzroŭniem trambacytaŭ.

U siaredzinie sakavika vialikaja častka krain Jeŭropy prypyniła vakcynacyju preparatam ad AstraZeneca paśla źjaŭleńnia danych ab trombach u ludziej, jakija prajšli vakcynacyju.

SAAZ 16 sakavika paličyła vakcynu AstraZeneca biaśpiečnaj i rekamiendavała praciahvać jaje vykarystańnie. 18 sakavika z anałahičnymi vysnovami vystupili miedycynskija rehulatary Vialikabrytanii i Niderłandaŭ.