Zatrymanaha ŭ Maskvie aktyvista ź Lidy padazrajuć u zaklikach da biesparadkaŭ u RF
Administratar čata «Lida dla žyćcia» Mikałaj Davidčyk zatrymany ŭ Maskvie pa padazreńni ŭ zaklikach da ŭdziełu ŭ masavych biesparadkach u Rasii. Pra heta TASS paviedamiła krynica ŭ pravaachoŭnych orhanach.
19.03.2021 / 09:47
«Davidčyk zatrymany pa padazreńni pavodle č. 3 art. 212 KK RF (zakliki da ŭdziełu ŭ masavych biesparadkach)», — raspavioŭ surazmoŭca ahienctva.
U pres-słužbie Butyrskaha suda Maskvy TASS paviedamili pra chadajnictva śledstva ab aryšcie Davidčyka. «Davidčyk N.V. padazrajecca ŭ zaklikach da masavych biesparadkaŭ. U sud pastupiła chadajnictva śledstva ab abrańni jamu miery strymańnia ŭ vyhladzie ŭtrymańnia pad vartaj. Pakul što sudździa nie razhledzieŭ jaho», — skazali ŭ pres-słužbie. Tam paćvierdzili, što biełaruskija ŭłady taksama jaho šukajuć. «Zhodna z materyjałami, jakija pastupili ŭ sud, u Biełarusi ŭ dačynieńni da jaho raspačataja kryminalnaja sprava pavodle č. 1 art. 342 miascovaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich)», — adznačyli ŭ sudzie.