Karač pra «Hołas»: Technałohii nie dajuć harantyj ad falsifikacyj, kali jany ŭ rukach falsifikataraŭ
Kiraŭnica inicyjatyvy «Naš dom» Volha Karač adreahavała na zaklik Śviatłany Cichanoŭskaj vykazacca ŭ sistemie «Hołas» za pieramovy.
19.03.2021 / 09:58
«Ci vierycie vy, što heta realnyja ličby na Hołasie?», — spytali ŭ Karač ŭ telehram-supołcy «Lampavy čat», dzie hurtujecca kala 1000 jaje prychilnikaŭ.
«Nie. Nie vieru, ale heta taksama dobry ŭrok — lubyja, navat samyja sučasnyja technałohii nie dajuć harantyj ad falsifikacyj, kali jany ŭ rukach falsifikataraŭ», — adkazała jana.
Volha Karač
«Chartyja» i blizkija da jaje resursy taksama niehatyŭna pastavilisia da zakliku Cichanoŭskaj.
Sajt navat nie paviedamiŭ pra samu inicyjatyvu. A Andrej Sańnikaŭ bieź nijakich kamientaroŭ raźmiaściŭ u fejsbuku zdymak z katletami.
Čytajcie taksama. Chto takaja Volha Karač, jakaja choča padsiadzieć Cichanoŭskuju?
Pa stanie na 09:00 19 sakavika ŭ čat-bocie «Hołasu» prahałasavała bolš za 430 tysiač čałaviek.