Glory, glory, «Pitsburh Pinhvinz»!
13.06.2009 / 10:11
Jaŭhieni Małkin i kampanija zavajavali Kubak Stenli, vyjhraŭšy finał-revanš u «Detrojta».
«Pitsburh Pinhvinz» vyjhrali siońnia ranicaj pavodle minskaha času siomy zaklučny matč finalnaj sieryi ŭ «Dejtrojt Red Uinhz» ź likam 2:1. Matč prachodziŭ u Detrojcie.
Asistenckim pasam vyznačyŭsia «pinhvin» Jaŭhieni Małkin, jaki i pryznany samym kaštoŭnym hulcom plej-of. Jon nabraŭ 36 bałaŭ. I heta pry tym, što Małkin staŭ najlepšym bambardziram rehularnaha pieršynstva.
Cikava, što «Pitsburh» prajhraŭ pieršyja dva matčy (1:3, 1:3) – stać uładalnikam Kubku Stenli ŭ siomym matčy paśla dvuch pieršych paraz u finale ŭdavałasia tolki «Manrealu» ŭ 1971 h.
Potym «pinhviny» vyjhrali dva matčy (4:2, 4:2)¸ paciarpieli sakrušalnuju parazu ŭ piatym (0:5), vyjhrali šosty (2:1).
Letaś hetyja dźvie kamandy hulali ŭ finale, i tady pieramahli čyrvonyja kryły, ciapier revanš uziaŭ «Pitsburh», nie dazvoliŭšy «Detrojtu» ŭziać tytuł u 12 raz.
«Pitsburh Pinhvinz» braŭ Kubak Stenli ŭ 1991 i 1992 hadach z Maryjo Lemjo.