U Isłandyi pračnuŭsia vułkan Fahradałsfjal, jaki spaŭ šeść tysiač hadoŭ
Na isłandskim paŭvostravie Rejkjanies pačałosia vyviaržeńnie vułkana Fahradałsfjal, heta pieršaje vułkaničnaje vyviaržeńnie ŭ rehijonie za prykładna 800 hadoŭ, paviedamlajuć infarmahienctvy.
20.03.2021 / 14:05
Vyviaržeńnie ŭjaŭlaje saboj raskolinu daŭžynioj kala 500-700 m. Łava raźliłasia ŭ miežach 1 km.
Jak vidać z rolika, źniataha bierahavoj achovaj, łava raściakłasia ŭ dva baki ad žarała vułkana.
Pavodle raźlikaŭ mietearołahaŭ, vyviaržeńnie nie pahražaje nasielenym punktam, niahledziačy na toje što śviatło ad jaho možna bačyć z damoŭ susiedniaha horada Hryndavik. Adnak niekatoruju škodu mohuć zrabić vułkaničnyja hazy. Ułady spadziajucca, što ich raspaŭsiud źniziać mocny viecier i apadki, jakija čakajucca ŭ hetym rajonie.
Fahradałsfjal biaździejničaŭ apošnija 6 tysiač hadoŭ. Try tydni pierad vyviaržeńniem paŭvostraŭ štodnia skałynali ziemlatrusy, tamu śpiecyjalisty čakali abudžeńnie vułkana.