U Litvie pastanavili testavać usich rabotnikaŭ, kali ŭ kampanii vyjaŭleny kavid

Parłamient Litvy ŭvioŭ abaviazkovaje testavańnie rabotnikaŭ, kali na pradpryjemstvie abo ŭ kampanii fiksujuć vypadki zachvorvańnia kavidam bo jość padazreńni, što chtości zachvareŭ im.

23.03.2021 / 16:35

Delfi

Pa miery mahčymaści rabotniki ŭ takich vypadkach pavinny pracavać dystancyjna, piša Delfi.

Premjer-ministr Inhryda Šymanicie pierad hałasavańniem skazała, što aktyŭnaje testavańnie - adziny efiektyŭny sposab, jaki dazvalaje utajmavać raspaŭsiudžvańnie virusa.

«Tut było šmat dziŭnych śpiekulacyj, byccam buduć kahości testavać siłkom, ale treba razumieć adnu prostuju reč — nie atrymajecca zabiaśpiečyć kantrol inšymi sposabami — tolki z dapamohaj testavańnia», - skazała premjer-ministr.