Advakat Siarhiej Zikracki budzie pazbaŭleny licenzii
U apošni hod jon udzielničaŭ na baku abarony ŭ palityčna matyvavanych spravach.
24.03.2021 / 13:56
Padstavaj dla vykliku na pieraatestacyju staŭ šerah kamientaroŭ Zikrackaha ŭ ŚMI. Ministerstva justycyi paličyła, što hetyja kamientary nie ŭ poŭnaj miery adpaviadajuć zakanadaŭstvu, a tamu śviedčać ab nienaležnym vykanańni advakatam svaich prafiesijnych abaviazkaŭ. U suviazi z hetym Ministerstva justycyi inicyjavała pazačarhovuju atestacyju, kab vyznačyć mahčymaść dalejšaha vykanańnia Zikrackim jaho prafiesijnych abaviazkaŭ.
Nie projdzienaja pieraatestacyja aznačaje, što ŭ chutkim časie advakata pazbaviać licenzii: budzie jašče adno pasiadžeńnie kvalifikacyjnaj kamisii, na jakim razhledziać pytańnie pazbaŭleńnia licenzii advakataŭ, jakija nie prajšli pieraatestacyju. Kamisija zasiadaje minimum raz u miesiac.
Siarhiej Zikracki — adzin z najlepšych biełaruskich advakataŭ, jaki śpiecyjalizujecca na aŭtarskim, karparatyŭnym pravie, intelektualnaj ułasnaści. U apošni hod Zikracki taksama ŭdzielničaje na baku abarony ŭ palityčna matyvavanych spravach, jon baraniŭ mnohich biełaruskich žurnalistaŭ, jakija prachodziać pa administracyjnych i kryminalnych spravach. Zikracki abaraniaŭ Tut.by, kali jaho pazbaŭlali statusu ŚMI, žurnalistku «Biełsata» Kaciarynu Andrejevu, jon — advakat supracoŭnikaŭ Pres-kłuba, pradstaŭlaŭ intaresy «Našaj Nivy».