Ciapier atrymlivać pasyłki možna biez pašparta i paviedamleńnia, ale treba papiarednie zarehistravacca
25.03.2021 / 13:30
U addzialeńniach paštovaj suviazi źjaviłasia mahčymaść atrymlivać pasyłki z dapamohaj SMS-koda, biez pašparta i zapaŭnieńnia paviedamleńniaŭ. Pracedura aktualnaja ŭ vypadku, kali vy časty hość na pošcie.
Dla hetaha nieabchodna zarehistravacca ŭ asabistym kabiniecie i ŭvieści danyja dakumienta, jaki pacviardžaje asobu, paśla razdrukavać i zapoŭnić zajavu (možna zapoŭnić jaje i naŭprost u addzialeńni). Dalej vy źviartajeciesia ŭ luboje addzialeńnie paštovaj suviazi dla identyfikacyi asoby (z saboj nieabchodna mieć dakumient, źviestki jakoha vy ŭnieśli pry rehistracyi).
Paśla hetaha dla atrymańnia paštovaha adpraŭleńnia vam dastatkova budzie nazvać svajo proźvišča, adras albo numar adpraŭleńnia, a taksama numar telefona, paznačany pry rehistracyi. Na dadzieny numar pastupić SMS-kod, jaki nieabchodna paviedamić apierataru, kab atrymać pasyłku.