U Jehipcie sutyknulisia dva ciahniki — zahinuli bolš za 30 čałaviek
Dva ciahniki sutyknulisia ŭ horadzie Tachta ŭ jehipieckaj pravincyi Sachah, paviedamlaje Egypt Today. Z rejek syšli try pasažyrskija vahony.
26.03.2021 / 15:53
@frankyedekkk / Twitter
U Ministerstvie achovy zdaroŭja krainy paviedamili, što zahinuli prynamsi 32 čałavieki, jašče 66 atrymali ranieńni, piša RBK.
Na miesca zdareńnia nakiravali bolš za 30 mašyn chutkaj dapamohi, jakija dastaŭlajuć paciarpiełych u balnicy.
Pryčyna avaryi pakul nie nazyvajecca.
Pavodle źviestak krynicy Reuters u słužbie biaśpieki, ciahniki ruchalisia na nievialikaj chutkaści, u vyniku sutyknieńnia dva vahony byli razburanyja, a treci pierakuliŭsia. Prakuratura Jehipta pačała rasśledavańnie.