«Sumna, što maje byłyja kalehi vymušany mirycca ź situacyjaj»: syn Makieja raskrytykavaŭ skandalnuju zajavu MZS
Syn kiraŭnika MZS Vital Makiej u svaim profili ŭ sacyjalnaj sietcy Linkedin raskrytykavaŭ učorašni ździeklivy adkaz MZS na vinšavańnie pasolstvam ZŠA z Dniom Voli.
27.03.2021 / 12:10
«Praźmierna chamavataja ŭdałaść nikoli nie zamienić arhumientacyju i styl. Naadvarot: jašče macniej padkreślić pasrednaść».
«Mnie sumna, što maje byłyja kalehi, da mnohich ź jakich ja adčuvaju ščyryja siabroŭskija pačućci, vymušanyja mirycca ź situacyjaj, pry jakoj niemahčyma svabodnaja stvaralnaja tvorčaść. Vielmi chaciełasia b, kab u hety zadušlivy čas prafiesijanały zachavali svaje viedy, navyki, vopyt i maralnyja aryjenciry. Jany nam usim jašče spatrebiacca», — napisaŭ jen u LinkedIn.
Pry kancy vieraśnia stała viadoma, što Vital Makiej zvolniŭsia z MZS. Svajo rašeńnie jon nie kamientavaŭ.
Fota MZS
Vital Makiej raniej pracavaŭ u centralnym aparacie MZS, byŭ staršym daradcam upraŭleńnia ŭstojlivaha raźvićcia hałoŭnaha ŭpraŭleńnia šmatbakovaj dypłamatyi.