Minčanku aštrafavali na 5800 rubloŭ za fotki Babaryki i Cichanoŭskaj u aknie

U Zavadskim sudzie Minska razhladalisia administracyjnyja spravy suprać Iny Dabratvor.

02.04.2021 / 20:26

Jana ŭ voknach svajoj kvatery pa vulicy Arcioma źmiaściła partrety Viktara Babaryki, Śviatłany Cichanoŭskaj, Maryi Kaleśnikavaj i vyjavu hierba Pahonia.

Ina — žurnalistka-fryłansier, maci pieciarych dziaciej, a taksama žonka aktyvista Illi Dabratvora. Heta mienavita ŭ ich na paviersie padjezd byŭ abkleiny vyjavami palitviaźniaŭ.

Inu Dabratvor sudzili adrazu pa troch pratakołach pa artykule 24.23 častka 3, nibyta šlacham vyviešvańnia zdymkaŭ jana ładziła pikiet. U vyniku sudździa Alena Niakrasava prysudziła žančynie 200 bazavych vieličyń štrafu — heta 5800 rubloŭ.

ZP