Kim Kardašjan trapiła ŭ śpis miljarderaŭ Forbes
Amierykanskaja zorka ciapier aficyjna stała miljarderkaj.
07.04.2021 / 16:00
Dziakujučy ŭłasnym brendam adzieńnia i kaśmietyki, dachodam ad telebačańnia, rekłamy i inviestycyj, kapitał Kim Kardašjan dasiahnuŭ $1 miljarda, paviedamlaje BBC.
Ciapier Kim Kardašjan adna z 2755 čałaviek, jakija sioleta trapili ŭ śpis miljarderaŭ Forbes. Śpis čarhovy raz uznačaliŭ zasnavalnik Amazon Džef Biezas.
Kim Kardašjan zasnavała kaśmietyčny brend KKW Beauty u 2017 hodzie pa prykładzie svajoj zvodnaj siastry Kajli Dženier, jakaja letaś była vyklučanaja sa śpisa Forbes. Kardašjan udałosia pryciahnuć uvahu da svajho brenda praz sacsietki, što zabiaśpiečyła pośpiech jaje kampanii.
U 2019 hodzie amierykanskaja znakamitaść z armianskimi karaniami stvaryła brend bializny i adzieńnia dla adpačynku Skims, jaki staŭ prybytkovym navat u pandemiju, bo vyras popyt na zručnaje damašniaje adzieńnie.
Forbes padkreślivaje, što mienavita kampanii, jakija zasnavała Kim Kardašjan, zabiaśpiečyli joj miesca ŭ śpisie miljarderaŭ.