Jeŭrabačańnie adkazała na prapanovu dapuścić na konkurs biełarusaŭ jak haściej
Jeŭrapiejski viaščalny sajuz (EBU) adkazaŭ na prapanovu Biełaruskaha fondu kulturnaj salidarnaści pra ŭdzieł biełaruskich artystaŭ u jakaści haściej u konkursie «Jeŭrabačańnie-2021».
07.04.2021 / 16:20
U liście zaznačajecca, što prahrama šou ŭžo całkam zaćvierdžanaja, u tym liku i vystupy ŭsich artystaŭ u intervał-aktach. Arhanizatary vykazvajuć spadzieŭ, što Biełaruś vierniecca na «Jeŭrabačańnie» ŭ 2022-m, kali «situacyja ŭ krainie stabilizujecca».
Nahadajem, što JEVS źniaŭ z konkursu «Hałasy ZMiesta», paličyŭšy ich pieśni palityčna anhažavanymi.
Biełaruski fond kulturnaj salidarnaści prapanavaŭ, kab u jakaści haściej (h.zn. pa-za konkursam) na Jeŭrabačańni vystupili pradstaŭniki našaj krainy ŭ 2017 hodzie Naviband, VAL, jakija źbiralisia ŭdzielničać u minułym hodzie, a taksama opiernaja śpiavačka Marharyta Laŭčuk. Vykanaŭcy pavinny byli praśpiavać «Love Shine a Light». Paśla taho, jak Vialikabrytanija pieramahła ź joj na «Jeŭrabačańni-1997», jana stała himnam abjadnańnia muzyčnaj Jeŭropy.